lance

Lance, f. penac. Est la piece des armes offensives que l'homme d'armes porte, laquelle est de bois en longueur de douze à quinze pieds, peu plus peu moins, grosse à l'empoignure et au bas bout, et allant en amenuisant jusques au haut bout, qui est la poincte d'icelle revestuë d'un fer esmolu. Elle est portée par l'homme d'armes droicte sur la cuisse estant rangé en bataille, et couchée sous l'aisselle en arrest au combat, Lancea, Duquel mot il vient, et tous deux du Grec {{t=g}}logkhê,{{/t}} d'où partent ces manieres de parler: Porter la lance sur la cuisse, Lanceam erectam coxendice subnixam gestare, Coucher en arrest la lance, Ad lanceis concurrendam accingi, Courir la lance, Concursionem lancearum ludicram facere, Ludicrae lancearum procursioni operam dare, vel vacare, Ce qu'on dit en particulier Jouster, et se fait avec lances courtoises, c. sans fer esmolu. Lance aussi se prend pour l'homme d'armes portant la lance, comme, Il a une compagnie de cent lances, c. de cent hommes d'armes, et, La compagnie de tel Prince au titre de cent lances reduites à cinquante hommes d'armes. Nic. Gilles en la Chronique du Roy Louys XI. Le Roy mena en Normandie cinq cens lances, et les nobles et francs Archers dudit pays. Et peu apres: Et y mourut le seigneur de Conches, et plusieurs autres seigneurs Bourguignons, et bien deux cens lances de Lombards qui estoyent venus à leur aide. Et plus bas: Et lors lesdits quarante lances se retirerent tout bellement. Et en ceste signification une lance contient le nombre de cinq chevaux, dont les deux pour le moins doivent estre chevaux d'armes et de service: le tiers est pour le Costiller, et les deux autres pour deux archers. Qui est ce qu'on appeloit anciennement Lance fournie, sans deux autres chevaux de moindre taille pour envoyer au fourrage, et servir de sommiers à porter le bagage. De ceste signification aussi procede ceste phrase ironique, Hà la bonne lance! et O la hardie lance! quand on reproche à quelqu'un sa couardise et poltronie, Hui quam strenuus miles! Egregius miles scilicet! l'Italien dit Lancia, et l'Espagnol Lança, Mais parce que ce mot est trop general en son endroit, et aliene de ce que nous appelons proprement Lance, il dit Lança Francesa, pour la nostre, et Lança Morisca, Lança Romana, Saguntina, Macedonica, Qui ne sont nullement de la sorte de la Françoise. Et en matiere de successions, Lance en la loy des Anglois Werinois ou Thuringeois, au chap. des Aleuds, {{o=Alends}} est prins pour ligne masculine, tout ainsi que fuseau, et envers nous, Quenouille pour ligne feminine, disant icelle loy, l'hoirie estre passée de la lance au fuseau, c. estre tombée en quenouille, A masculis ad foeminas haereditatem translatam esse, voyez Quenouille.

Une lance où il n'y a point de fer, Pura hasta.

Avoir la lance sur la cuisse, Stare in procinctu, Bud. ex Quintiliano.

Courir la lance l'un contre l'autre, Infestis hastis procurrere.

Percé d'une lance, Lanceatus.

Lances à boëte, qui ne sont pas de guerre, ne pour jouter à outrance, Lanceae pyxidatae, quasi praepilatae, vel pyxide praeferratae, non ferro exacuto vulnificae, Bud.

Thresor de la langue françoyse. Jean Nicot.